Daud Ulusow

 Geedku waa gacalkaa. Maanta waa 17 April oo ku beegan maalinta dhirta soomaaliyeed, waa maalin ay tahay in mudnaanta geedku leeyahay la is xasuusiyo, lana sameeyo hal ku dhigyo lagu muujinayo ahmiyadda dhirta, iyo olole dhirbeeris ah oo dhiig joojin u noqan kara dhir-jarista baahday oo dhulkeena taala. Sanadkaan waxa ay ku soo aaday April oo intii hore ka kulul oo cidwalba ay muhiimada geedku leeahay garawsan karto. Maanta la joogo dhibaatada deegaan ee dhulka soomaaliyeed ka taagaan waxaa uga weyni waa dhir jarista, hadaba maxaa dhacaya hadii dhirta la mooro duugo oo dhulka la arradiyo. "Marka meel dhirtu ku yaraato biyaha roobku wax ay waayaan wax hakiya si ay dhulka u galaan oo ciidda u waraabiyaan, qulqulkooduna wax uu qaadaa carradii kore ee wax beeri lahayd iyo cufkii iyo xaabkii ay carradaasi dugsanaysay ee korkeeda yaallay. Biyaha socda midabkooda casaanka ahi wax kale ma aha ee waa dheeftii ay wax ka bixi lahaayeen oo guuraysa, ilaa bacaad cadi meeshii ku soo hadho. Tab...

 Habfekirka mala' awaalka ah. "Hormarkaa naloo diidanyahay". Waxa uu isu arkaa barafisoor gaamuray oo aqoontii iyo ogaalkii dunidu sal dhigatay, wuxu fagaara kasta uga qudbeeyaa; in aan nahay dadka aduunka ugu kartida iyo aqoonta badan, dhulka ugu hodonsan ku noolnahay, xoolaha iyo dhul-beeraadka aan cid kale oo haysataahi jirin Alle nagu manaystay, wuxuu ku nuux-nuuxsadaa khayraadka bada iyo bariga ceegaaga, sida aduunyadu isugu haysato gurashadiisa, asiga oo intaa raacinaya mooganaanta dadka — 'badmaceeye'. Ninka sidaa wax u qaadaa dhigaya, waxa uu u-shaqeeyaa haayad shisheeye, oo waaba shaqaaale aan waligii shaqo asiga iyo ummaddu u aaydo ka curin — dalka uu hodontinimada jeebkiisa ah u ximbaariyay, dadka kartida badanina ku noolayeen.  Wuxu aad u dhaliilaa haayadaha samafalka ee kuwa UN-ku ugu horeyaan, wuxuu u arkaa dad cuuryaaminta ummadda u soo shaqa tagay, sidaana ay hormarka ugala dagaalamaan dalkiisa. Waxa uu aad uga xajiimoodaa mar walba oo uu maql...